Missing you

Missing you

Hard to say how I love you

It’s impalpable to let you know how much I miss u

Who asked you to go that far off place?

When my heart is just with you in your heart

You took all my feelings and flew away

It’s me and my heart that is feeling you

Are you hearing me?

Am missing you!!

-Amoga

"చేగువేరా"

వైద్యవృత్తి సేవానురక్తి కలిగి భాగ్యవంతుడైనా అభాగ్యుల బాగోగులకై పోరాడాలనే తపనతో, మార్క్స్ ఎంగెల్స్ లను, అవగాహనతో ఆలింగనం చేసుకొని,అర్జెంటీనాలో పుట్టినా, క్యూబా విప్లవంలో వికసించి పరిమళించినా ప్రపంచమంతా విప్లవం ప్రజ్వలింప చేయాలని దేశాలు తిరిగి చివరకు బొలీవియాలో పోరాటంలోనే అమరుడై ....స్పృహవున్న చైతన్యకారులంతా జోహారులర్పించిన మేరునగధీరుడు "చేగువేరా" . గడుసైన చదువరి, గడుగ్గాయి విప్లవకారుడు.

25 సం.వయసులో క్యూబా విప్లవంలో,సాయుధ పోరాటంలో, ప్రముఖుడై విప్లవ ప్రభుత్వంలో భాగస్వామిగా వుండి కూడా త్రుప్తి చెందక విశ్వవ్యాప్తంగా విస్తృతంగా ఈ పోరాటాలు జరగటం తప్ప వేరే శరణ్యం లేదని కసిని రగిల్చి పోయిన వ్యక్తే ఈ " చేగువేరా ".పీడిత జనాలు చారిత్రక విజ్ఞానాన్ని సముపార్జించుకొని, ద్రుడపోరాటాల ద్వారా విప్లవాలను సాధించుకోగాలరని నమ్మి గోదాలోకి దిగిన వ్యక్తి "చేగువేరా ".

మానవచరిత్ర పరిణామంలో,రాజకీయాలు,శాస్త్రాలూ, కళలూ తర్వాత వచ్చిన రాజ్యాంగ యంత్రమూ, నైతికసూత్రాలూ, ప్రజల సమస్యలకు పరిష్కారం చూపకపోవడం అంతేగాక పేదప్రజలకు వ్యతిరేకంగా తయారవడం, చే గువేరాను మరింతగా వేధించింది.

వసుదా పదునైన మేధ, చురుకైన యోధ అయినవాడు, చతికిలపడి కూర్చోవద్దని, విప్లవానికి నిద్రలేదని, సాయుధపోరాటం తప్పదనీ, విస్తృతంగా జనావళికి ఎలుగెత్తి చాటిన వాడు "చేగువేరా".ఇప్పుడు హిప్పీల్లాంటి నవయువకులు చే ఫోటోలు ముద్రించిన టీ షర్ట్ లతో,జీన్స్ ఫాంట్ లతో విరివిగాకనపడుతున్నారు. వీరిలో ఎవరికి చేగువేరా చరిత్రే తెలియదు.

మరణం తర్వాత డమురుకం మ్రోగించిన వాడే "చే గువేరా ".లాటిన్ అమెరికా, ఆరబ్, ఆసియా, ఆఫ్రికా దేశాల వారికి ఆరని విప్లవ జ్యోతి, విశ్రమించని, నిష్క్రమించని వీరుడు చే గువేరా! బుద్ధిగల చేపలకు సొగసైన విప్లవ వలను విసిరే జాలరి "చే గువేరా ". విశ్వ విఫణిలో శ్రామిక ,కర్షక, బడుగు జీవుల కళల బేహారి. అసలు సిసలు గెలుపు జూదరి "చే గువేరా".

గణతంత్ర దినోత్సవ శుభాకాంక్షలు...

కోట్లకు పైగా జనాభా ఉన్న భారత దేశ ప్రజలకు గణతంత్ర దినోత్సవ శుభాకాంక్షలు...

మనస్పూర్తిగా చెప్పుదామంటే, మాటలు రావట్లేదు, ఏదో అందరూ చెప్తున్నారు కదా అని నేను కూడా చెప్తున్నా.(ఇలా నిజాలు రాస్తున్నందుకు క్షమించండి) . అసలు ఎందుకు చెప్పాలో కాస్త సెలవిస్తారా మిత్రులారా??
ఒక పక్క అవినీతి మహమ్మారి దేశ నలుమూలల వ్యాపించినందుకా?? మరో పక్క వ్యక్తిస్వామ్యమే పరమావధిగా మన ప్రజాస్వామ్యం మారినందుకా?? లేక స్వయానా రాజ్యాంగాన్ని రాసిన అంబేద్కర్ విగ్రహాలను కూలదోసినందుకా..?? పేద ధనిక వర్గాల మధ్య అంతరం మరింత పెరిగినందుకా?? లేక రాజ్యాంగం లో చిన్న రాష్ట్రాల ఏర్పాటు గురించి స్పష్టం గా చెప్పినా, ఎన్నో పోరాటాలు చేస్తూ ప్రానాలర్పిస్తున్నా, పట్టించుకోని ప్రభుత్వం పాలిస్తున్నందుకా ,...?? సమస్య అంటూ లేని రాష్ట్రమే లేని దేశాన్ని చూసి గొప్పగా ఫీల్ అవ్వాలా?? ప్రజా క్షేమాన్ని పట్టించుకోని ఈ ప్రభుత్వాలను చూసి గర్వంగా చెప్పాలా?? కుల వ్యవస్తను చూసి మురిసిపోవాలా??
భారతీయుడనని గర్వపడాలా లేక ఇవన్నింటిని చూస్తూ మరెలా ఫీల్ అవ్వాలి ??
పేరు గొప్ప ఊరు దిబ్బ.. అంటే ఒప్పుకుంటారా మీరు..??
ఏది ఏమైనప్పటికీ, మీకందరికీ గణతంత్రదినోత్సవ శుభాకాంక్షలు.. మనస్పూర్తిగా (...!!!)

బలిదానాలు చేసుకోవడమే కాదు బలి తీసుకోవడం కూడా మాకు తెలుసు

బలిదానాలు చేసుకోవడమే కాదు బలి తీసుకోవడం కూడా మాకు
సమైక్య ఆంధ్ర ఉద్యమం అంటూ
సంకలు గుద్దుకుంటున్న ఆంధ్ర నాయకులారా
ఏముంది మీ ఉద్యమం లో
సమైక్య ఆంధ్ర అంటూ మీతో వచ్చినోల్లు ఎంత మంది
సమైక్య ఆంధ్ర కోసం మీలో సచ్చినోళ్ళు ఎంత మంది
అధికారంతో నిండిన అహంకారం
పచ్చ నోట్లతో పుట్టుకొచ్చిన పిచ్చిఉద్యమం తప్ప
యుద్ధం అంటే మా తెలంగాణ ది
నీజాం నిరంకుశత్వం నడ్డి విరిచిన మాది యుద్ధం అంటే
మా యుద్ధం లో …….
ఒక్క దొడ్డి కొమురయ్య
ఒక్క గొట్టిముక్కుల గోపాల్ రెడ్డి
ఒక్క రేణిగుంట రాంరెడ్డి
మరెందరో అమరులు ఉన్నారు

పోరాటం పోరాటం అంటూ పోర్లు దండాలు పెడుతున్న ఆంధ్ర నాయకులారా
ఏముంది మీ పోరాటం లో
లగడపాటి లంగేశాలు
నన్నపనేని నోదుటి ముద్దులు తప్ప
పోరాటం అంటే మాది
మా చరిత్రలో
సాయుధ రైతాంగ పోరాటాముంది
మంటల్లో కాలుతున్న మారుమ్రోగిన తెలంగాణ నినాదం ఉంది
లాటీలు,తూటాలు తగిలిన తగ్గని వేడి ఉంది
త్యాగాలు మావి అని తెగ చించుకుంటున్న ఆంధ్ర నాయకులారా
ఏముంది మీ త్యాగాల చరిత్ర లో
ఒక్క పొట్టి శ్రీరాములు తప్ప
త్యాగాలు అంటే మావి
తెలంగాణ విముక్తి కోసం ప్రాణాలర్పించిన నాటి నాలుగు వేల మందివి
ప్రత్యేక తెలంగాణ కోసం ప్రాణాలర్పించిన నేటి నాలుగు వందల మందివి
మా త్యగాలలో ………
బైరాన్ పల్లి చవులు ఉన్నాయి
భవిష్యత్తును చేజార్చుకున్న జీవితాలున్నాయి
నేల రాలిన విద్య కుసుమాలు ఉన్నాయి
బలుపు ఆరాటాలు మీవి
బలిధాన పోరాటాలు మావి
మీ కోసం మందిని బలి తీసుకునేది మీరు
మంది కోసం బలిదానాలు చేసుకొనేది మేము
మా బలిధనాలలో
ఒక్క శ్రికంతచారి
ఒక్క యాదయ్య
ఒక్క సుజాత
ఒక్క ప్రశాంత్ రెడ్డి
ఎంతో మంది అమరులున్నారు

మానవత్వం లేని నాయకులారా ఇకనైనా మారండి
లేకుంటే
బలిదానాలు చేసుకోవడమే కాదు
బలి తీసుకోవడం కూడా మాకు తెలుసు
మా నెత్తురు లో వేడి ఉంది
మా చేతల్లో వాడి ఉంది
మా కన్నిటిలో నిజం ఉంది
మా పోరాటం లో అర్ధం ఉంది
మీ చరిత్ర లో ఏముంది చదలు పట్టిన గతం తప్ప
ఎంత వెతికినా దొరకనిది మీ చరిత్ర
ఎంత రాసిన ఒడువంది మా చరిత్ర

జై తెలంగాణ జై జై తెలంగాణ

నా కళ్ళకు ఎంత ఆశొ....

నువ్వు కనబడవని తెలిసినా వెదుకుతున్నాయి.....

నా కాళ్ళకు ఎంత తొందరొ....

నువ్వు దొరకవని తెలిసిన పరుగులు తీస్తున్నాయి...

నా మనసుకు ఎంత ఆత్రుతొ...

నువ్వు దక్కవని తెలిసినా ఆలొచిస్తుంది...

కాని ఏమి చెయ్యను....

నన్ను బ్రతికిస్తుంది... ఏప్పటికైనా నువ్వు ప్రేమిస్తావనే ఆశే..

**********************************************

దూరంగా వెళ్ళమన్నావుగా...నీ జ్ఞాపకాలను నాకు తోడిచ్చి....
భారంగా బ్రతకమన్నావుగా....మౌనంగా బదులిచ్చి....!
అలాగే కానీ.....నీ ఇష్టమే నా ఇష్టం...!
ఎందుకంటే, "నా" అన్నదేదీ లేదు....అంతా నువ్వు....నా అంతే..నువ్వు మరి...!



********************************************


నా మాటలని, మౌనాన్ని "మరోలా" అర్ధం చేసుకుంటారు జనాలు....!అంటే, వాళ్ళకి 'అసలు' అర్ధం తెలుసా అని...'మరోలా' అర్ధం చేసుకోవడానికి....? అని అనిపిస్తూ ఉంటుంది ఒక్కోసారి....ప్చ్...!

నీ కంటిలో చెమ్మ నా చూపు దాటిపోలేదు....అమ్మ.

అమ్మ.

అమ్మ.
నీ చూపుడు వేలును,
నా పిడికిలి నిండా బిగించి,
భద్రంగా నడిచాను,
ఆ భద్రత మాటున,
నీ దిశానిర్ధేశపు బరోసా,
బ్రతుకంతా బంగారు బాటను వేసింది.
నువ్వు ఏర్పరిచిన ఈ నా బాటలో,
కొంత దూరం నడిపించాక,
మెలమెల్లగా, అతిసున్నితంగా,
నాకే తెలినంత సౌఖ్యంగా,
నీ చూపుడు వేలును విడిపించుకుని,
నన్నలా చూస్తూ ఆగిపోయవు,
కాస్త దూరం వెళ్ళాక కానీ,
గ్రహించుకోలేదు నువ్వు నా పక్కన లేవని,
వెనక్కి తిరిగి చుస్తే,
ఆమడ దూరంలో ఆగిపోయిన నువ్వు,
చిరునవ్వుతో చెయ్యెత్తి సంజ్ఞ చేసావు సాగిపొమ్మని.
అమ్మ. ......
నీ కంటిలో చెమ్మ నా చూపు దాటిపోలేదు....

నిగ్రహంగా గ్రహించు...!

ఆడపిల్ల సహనంతో ఉంటే అనుకులవతిగా కీర్తిస్తారు...
ఆడపిల్ల ఉద్రేకంగా ఉద్యమిస్తానంటే ఉక్కుపాదంతో అనిచేస్తారు...

ఆడపిల్ల వ్యక్తిత్వం ఆదర్శనీయమైతే అభినందనీయం...
ఆడపిల్ల వీధులలో బలి తెగించి ప్రవర్తిస్తే సమాజం విమర్శనీయం...

మీరన్నది నిజమే...
పర స్త్రీలను మాతృ సమానంగా గౌరవించే శ్రీ రామ రాజ్యం కాదిది...
సి.సి. కెమెరాలతో పర స్త్రీలను చెరపట్టే మానవ దానవుల రావణ రాజ్యమిది...

మీరనుకున్నది నిజమే...
ఆపదలో ఉన్న అబలను ఆదుకొనే ద్వాపరయుగం కాదిది...
ఆపదలో ఉన్న అబలను చూసి రాక్షసంగా నవ్వుకొనే రాజకీయ కీచకుల కలియుగమిది...

తనకు జరిగే అన్యాయాన్ని స్త్రీ జాతి ఎదిరించాలి...
తనకు కలిగే అవమానాన్ని స్త్రీ శక్తి సమిష్టిగా నిరోధించాలి...

తనకు జరిగే అగౌరవాన్ని స్త్రీ మూర్తి నిర్మూలించాలి...
తనకు జరిగే అసౌకర్యాన్ని స్త్రీ ముక్త కంఠంతో సమాజాన్ని ప్రశ్నించాలి...

నైతికంగా దిగజారిపోతున్న మన దేశ సంస్కృతి సాంప్రదాయాల విలువలను కాపాడాలి...
అభివృద్ధి నెపంతో పాశ్చాత్య సంస్కృతికి ఆకర్షితులవుతున్న నవ యువతను కాపాడాలి...

సాంప్రదాయ వస్త్రాలకు స్వస్తి పలికి వీధులలో అర్ధనగ్నంగా సంచరించే యువతిని కాపాడాలి...
విధ్యాభ్యాస ధ్యాసకు స్వస్తి పలికి కళాశాలలో యువతిపై దుమికే యువకుని చేష్టను ఆపాలి...

చేతులు కాలాక ఆకులను ఆశ్రయించినా ప్రయోజనం లేదు...
అన్యాయం జరిగాక కన్నీరు కార్చినా తగిలిన గాయం మాయం కాదు...

చేతులు కాలక మునుపే చైతన్య వంతులు కండి...
అన్యాయం జరగక మునుపే అధర్మాలపై తిరుగుబాటు చేయండి...

విదేశి యువతీయువకులు సైతం గౌరవించే మన సాంప్రదాయాన్ని మగువా మరువకు...
స్వదేశి సాంప్రదాయాన్ని ఆధునికత మోజులోబడి విస్మరించి ఆపదలను ఆహ్వానించకు...

సమాజం నిన్ను గౌరవిస్తుంది కనుకనే సింహాసనంలో సగ భాగం నీదన్నది...
సమాజం నీకు విలువిస్తుంది కనుకనే దేశానికే రాష్ట్రపతి హొదాను నీకు కల్పించింది...

ఎందులోనూ మగవారికి తిసిపోమనే మీ ఆత్మవిశ్వాసానికి కానుకగా...
అన్నీ రంగాములలోను స్త్రీ జాతికి ఉన్నత స్థానాన్ని ఇచ్చి పడతి ప్రతిష్టను పెంచింది...

ఎందులోనూ మగవారికి తిసిపోమనే మీ మితి మీరిన విశ్వాసం సాక్షిగా...
పబ్బులలోను, క్లబ్బులలోను డబ్బులు వెదజల్లుతూ వ్యసనాలకు బానిసవై దిగజారిపోయావు...

నేను సంపాదిస్తున్నాను.. నా సంపాదన నా ఇష్టం.. నువ్వెవరు నన్నాపడానికి...?
అనే స్థాయికి చేరుకొని నిన్ను నువ్వు నిరూపించుకొనేందుకు నీకిచ్చిన స్వాత్రంత్రాన్ని నేలపాలు చేసావు...

ఎలా ఉంటుంది నేటి నవ సమాజంలో స్త్రీకి బద్రత...?
నిన్ను నువ్వు ప్రశ్నించుకో.. నిన్ను నువ్వు సమస్కరించుకో...

నీ ప్రవర్తనలో పరివర్తనను సాధించుకో.. నీ నడవడికను మార్చుకో...
నీ ఆవేదనకు ఆవేశంతో పాటుగా ఆలోచనను జత చేసి చూడు న్యాయం నీదవుతుంది...

నువ్వు మారిన క్షణం, సమాజం సైతం మారుతుంది...
నిన్ను నువ్వు సమస్కరించుకున్న తరుణం, సమాజం నీకు నమస్కరిస్తుంది...

జగన్మాతకు కోపమొస్తే ఈ సృష్టికి అంతం తప్పదు అదే సమయంలో...
జగదేశ్వరునికి క్రోదమొస్తే ఈ సృష్టికి ఆది.. పునాది అనేదే ఉండదు, ఈ సృష్టి రహస్యాన్ని నిగ్రహంగా గ్రహించు...! విశ్వ..!